2014 йил июнь ойида Ироқнинг Мосул ва бошқа ҳудудларини қўлга киритган ИШИД террор ташкилоти Тал Афар туманида халқ тили билан “Дўзах қудуғи” деб аталадиган ботиққа 1000 дан зиёд тинч аҳоли вакиллари, жумладан, болалар ва аёлларни ўлдириб, кўмган. Улар орасида Ироқ туркманлари вакиллари ҳам бор. Бугунги кунда ушбу ҳудуддаги оммавий қабрлардан жасад қолдиқлари чиқариб олиниб, ДНК текширувидан ўтказилмоқда ва шахслари аниқланмоқда.

Исроил армияси Ғазо сектори жанубидаги Хон Юнус шаҳридан чиқиб кетиши ортидан Носир касалхонаси ҳудудида учта оммавий қабр топилди. Улардан жами 392 нафар фаластинлик, жумладан, аёллар ва болаларнинг жасадлари чиқариб олинди. Баъзи жасадларда қийноқ ва қатл аломатлари бор.

Исроил армияси Насир касалхонасига босқин пайтида турли ёшдаги 190 нафар ҳалок бўлган фаластинлик эркагу аёлни оммавий қабрларга дафн қилгани маълум бўлди. 500 га яқин киши ҳали ҳам бедарак йўқолган деб ҳисобланмоқда.