1997 йил 28 февраль куни Туркия Миллий хавфсизлик кенгаши (МХК) йиғилишида армия раҳбарлари Эрбақон ҳукуматини "лаёқатсиз" деб атаб, ўзининг қатъий талабларини қўйди. Мамлакатда секуляр тизимни ҳимоя қилиш мақсадида ишлаб чиқилган талаблар сирасига: диний мактаблар фаолиятини чеклаш, ҳижобли аёлларни давлат муассасаларида ишлатмаслик, диний ташкилотларнинг давлат ишларига аралашувини тақиқлаш ва бошқалар ўрин олганди.