Сув тақчиллиги юқори бўлган ҳудудлардан бири – Сурхондарёнинг Қумқўрғон туманидаги “Жанубий Сурхон сув омбори”да ҳам 140 млрд сўмлик экотуризм комплекси қурилади. Маълум бўлишича, ҳудудда экотуризм мажмуасини қуриш учун 15,7 гектар майдон ажратилган. Олдинроқ, пойтахт аҳолисини сув билан таъминлайдиган Чорвоқ сув омбори этагидаги 577 гектар ер майдони "See breeze Uzbekistan" МЧЖ га 25 йилга тўғридан-тўғри ижарага берилганди. Экологлар бу иншоотнинг қурилиши табиатга зиён етказишидан огоҳлантирган.