Афғонистон биринчи марта Москва форматида тўлақонли аъзо сифатида иштирок этади
Кобулда Россия элчиси Дмитрий Жирнов Афғонистон Ислом Амирлиги ташқи ишлар вазири Амирхон Муттақий билан учрашди, дея хабар берди афғон матбуоти.
Қайд этилишича, Жирнов афғон делегациясининг октябрь ойида бўлиб ўтадиган Афғонистон бўйича Москва форматининг 7-мажлисида иштирок этишини маълум қилган. Бу Афғонистон учун ушбу форматда тўлақонли аъзо сифатида биринчи марта иштирок этиш бўлиб, мамлакатнинг дипломатик мавқеини мустаҳкамлайди, дейилади хабарда.
Маълумот учун, 2017 йилда ташкил этилган Москва формати Россия, Хитой, Покистон, Эрон, Ҳиндистон ва Марказий Осиё давлатларини бирлаштириб, Афғонистондаги хавфсизлик, терроризмга қарши кураш ва сиёсий масалаларини муҳокама қилади.
Мавзуга алоқадор
-
Германия Франкфурт-на-Майн, Гамбург ва Мюнхендаги Эрон консулхоналарини ёпишга қарор қилди. Бунга Германия ва Эроннинг икки фуқаролигига эга бўлган Жамшид Шармаҳднинг Эронда қатл этилиши сабаб бўлди. Теҳронга кўра, консулхоналарни ёпиш қарори Эрон фуқаролари учун асоссиз қийинчиликлар туғдиради ва уларнинг асосий ҳуқуқларини бузади.
-
Ҳусийлар Қизил денгизда Юнонистоннинг MV Sounion нефть ташувчи кемасига ҳужум уюштирди. Ҳужум натижасида кемада кучли портлаш содир бўлди. Британия кема экипажи қутқарилгани, бироқ унинг ўзи жиддий шикастланиб, денгизда қолиб кетганини маълум қилди.
