АҚШ Исроилга 4 миллиард долларлик қурол етказиб беришни тезлаштирди
АҚШ давлат котиби Марко Рубио Исроилга тахминан 4 миллиард долларлик қурол етказиб беришни тезлаштириш ҳақидаги меморандумни имзолаганини эълон қилди.
АҚШ давлат департаменти баёнотига кўра, Рубио собиқ президент Жо Байден маъмурияти томонидан жорий қилинган "қурол етказиб бериш бўйича қисман эмбарго" қарорини бекор қилди.
Унинг сўзларига кўра, Дональд Трамп президентликка келганидан буён АҚШ Исроилга 12 миллиард долларлик қурол сотишни маъқуллаган.
Давлат котиби қўшимча қилиб, АҚШ Исроилга қўллаб-қувватлашни давом эттиради, деб таъкидлади.
8 февраль куни АҚШ маъмурияти Исроилга 7,4 миллиард долларлик янги қурол сотишни маъқуллаган эди. Ушбу келишув доирасида Исроилга қуйидаги қуроллар етказиб берилади:
- 2 166 та кичик диаметрали бомба;
- 2 800 та 500 килограммлик умумий мақсадли бомба;
- 13 000 та Joint Direct Attack Munition (JDAM) навигация жиҳозлари;
- Турли тоифалардаги минглаб бомба ва навигация тизимлари.
Мавзуга алоқадор
-
Бангладеш Қуролли Кучлари аёл зобитлар, аскар ва тиббиёт ходимларга ўз ҳарбий либослари услубига мос равишда ҳижоб ўрашларига рухсат берди. Армия раҳбарияти янги сиёсат аёлларни Бангладеш Қуролли Кучлари сафина қўшилишга ундашига умид билдирмоқда.
-
Ғазодаги зўравонлик ва инсон ҳуқуқлари бузилишларини тергов қилиш мақсадида “Ғазо трибунали” деб номланган мустақил халқаро ташаббус ишга туширилди. Трибунал ўзининг илк очиқ мажлисларини 26–29 май кунлари Босния ва Герцеговина пойтахти Сараевода ўтказади.
