Ўзбекистон ва Қирғизистон маҳкумларни алмашади
Ўзбекистон ва Қирғизистон маҳкум фуқароларни бир-бирига топшириш бўйича келишувни расмийлаштирди. Ўзбекистон Олий Мажлиси Қонунчилик палатаси 31 январь куни ушбу шартномани ратификация қилиш ҳақидаги қонунни қабул қилди. Ҳужжат Сенатга юборилди.

Шартнома 2024 йил 18 июлда Қирғизистон президенти Садир Жапаровнинг Тошкентга ташрифи чоғида имзоланган. Ҳозирда Ўзбекистонда 45 нафар қирғизистонлик, Қирғизистонда эса 96 нафар ўзбекистонлик маҳкум жазо ўтамоқда.

Маҳкумлар “Дўстлик”/“Достук” чегара пункти орқали алмаштирилади. Ҳужжат маҳкумларни топшириш харажатларини қоплаш, низоларни ҳал қилиш механизми ва расмий мулоқот тилларини белгилайди.

Ўзбекистон ва Қирғизистон Бош прокуратуралари шартнома ижроси учун масъул ҳисобланади.

Депутатлар ушбу келишув маҳкумларни ижтимоий реабилитация қилиш, оилалари билан алоқаларини сақлаш ва давлатлар ўртасидаги ҳамкорликни мустаҳкамлаш учун хизмат қилишини таъкидлади.

Қирғизистон парламенти – Жогорку Кенеш ҳам ушбу қонунни маъқуллаган. Агар Сенат ҳам ҳужжатни тасдиқласа, шартнома расман кучга киради.

Мавзуга алоқадор

  • Тошкентда 19 ёшли йигит қимор туфайли ўзини осиб ўлдиргани айтилмоқда

    Ижтимоий тармоқларда 19 ёшли йигит онлайн қиморда катта миқдорда пул ютқазиб, ўзини дарахтга осиб ўлдиргани ҳақидаги хабарлар тарқалди. Бош прокуратурага кўра, жорий йилнинг 31 май куни Яшнобод тумани Истиқлол кўчасидаги дарахтдан 2006 йилда туғилган, Сирдарё вилоятининг Оқолтин туманида яшовчи Ф.Ў. исмли йигитнинг арқонга осилган жасади топилган. Айни пайтда тергов ҳаракатлари олиб борилаётгани айтилмоқда.

    Давомини ўқиш...

  • Amnesty Қрим демографияси бўйича ҳисоботини эълон қилди

    Amnesty International Россиянинг Қримни босиб олганига 10 йил тўлиши муносабати билан яриморолдаги демографик вазият бўйича ҳисоботини эълон қилди. Ташкилотнинг билдиришича, Россия расмийлари сўнгги ўн йил ичида таълим, дин, оммавий ахборот воситалари ва суд тизими каби соҳалардаги кўплаб чекловлар орқали украин ва қрим-татар идентификациясини йўқ қилишга уринмоқда.

    Давомини ўқиш...

Энг кўп ўқилган

Тавсия қилинган