Ўзбекистон президенти ва Малайзия бош вазири ислом молияси, «Ҳалол» сертификатлаштириш, сунъий интеллект, туризм соҳаларида ҳамкорликни кенгайтиришга келишиб олди. Зиёрат туризми бўйича «Умра плюс» дастури йўлга қўйилади. Президент Ўзбекистон-Малайзия саноат зонасини ташкил этишга тайёрлигини айтди.

Uzbekistan Airways «Ҳаж-2024» дастури доирасида 124 та чартер йўловчи парвозини амалга оширади. 15 минг 130 нафар зиёратчи Boeing 767 самолётларида ташилиши, уларга аэропортда рўйхатдан ўтиш вақтида иссиқ нонушта, парвоз давомида эса махсус таомлар тарқатилиши режалаштирилган.

Исроил Ғазо секторида босқинчилик ва қирғинбарот урушини бошлаганига 224 кун бўлди. 24 соат давомида Ғазо сектори, Иордан дарёсининг Ғарбий соҳили ҳамда бутун Яқин Шарқ ҳудудида содир бўлган асосий воқеалар.

Австралиялик собиқ ҳарбий адвокат Девид Макбрайт 2005-2016 йиллар оралиғида Австралия махсус кучлари томонидан Афғонистонда кўплаб қуролсиз эркаклар, болалар ва тинч аҳоли ўлдирилганини фош қилгани учун 6 йилга қамалди.

Ҳудудда комендантлик соати жорий қилинди. Тартибсизликлар пайтида 5 киши ҳалок бўлди. Франция Ташқи ишлар вазирлиги Озарбайжонни гўёки Франциядаги сепаратизмнинг кучайишида рол ўйнаганликда айблади.

Ўзбекистон Афғонистондан 1 млн тоннадан ортиқ кўмир импорт қилиш, шунингдек, Мозори Шарифдаги Имом Ал-Бухорий мадрасасида қурилиш ишларини бошлаш, Трансафғон темирйўли лойиҳасининг техник-иқтисодий асосларини ишлаб чиқиш лойиҳаларини амалга ошириш ниятида, деб хабар берди Афғонистон ТИВ.

Қозоғистон президенти Қосим-Жомарт Тўқаев Марказий Осиё давлатлари хавфсизлик кенгашлари котибларини қабул қилди. Давлат раҳбари замонавий чақириқ ва таҳдидларнинг аксарияти трансчегаравий хусусиятга эга экани, шунинг учун уларга қарши курашиш умумий саъй-ҳаракатларни бирлаштиришни талаб қилишини таъкидлади. “Умуман олганда, мамлакатларимизда биз ўзаро мақбул ечим топа олмаган муаммолар йўқ ва бўлмаслиги ҳам керак”, деди у.

Мусулмонлар идораси Ўзбекистонда ҳаж мавсуми 23 майдан бошланишини эълон қилди. Мамлакатдан Саудия Арабистонига 7 июнга қадар 10 та ҳудуддан ҳар куни авиақатновлар амалга оширилади.

«Термиз халқаро савдо маркази» эркин савдо зонасида визасиз режим жорий этилади. Шунингдек, Афғонистон ва Покистон фуқароларига ҳудуд ичида дўкон ва бинолар сотиб олишга рухсат берилди. Савдода сўм билан бирга доллар, рубль, евро ва юань валюталарини қабул қилишга рухсат берилади.

Бунинг натижасида Тожикистон ва Қирғизистон энди куз-қиш мавсумида электр энергияси танқислигига дуч келмайди, Ўзбекистон, Қозоғистон ва Туркманистон эса суғориш мавсумида сувсиз қолмайди.