Инглизларнинг 4-каналига кўра, йилнинг 9 ойида Лондондан Тел-Авивга қурол экспорти ҳажми 1 миллион фунт стерлингга етган. Бу ўзаро савдо тарихидаги энг юқори кўрсаткичдир. Ажабланарлиси, шунча фактларга қарамай қироллик "экспорт қоидаларига қатъий риоя қилиши" ва сионистларга Ғазо сектори ёки Ғарбий Соҳилда жанг қилиш учун мўлжалланган қуролларни сотмаслигини даъво қилиб келмоқда.

The New York Times ва Сиена университети томонидан ўтказилган сўровнома натижаларига кўра, 60% америкалик босқинчи исроил Ғазодаги урушни ҲАМАС барча гаровга олинганларни қўйиб юбормаган тақдирда ҳам тўхтатиши керак, деб ҳисоблайди.

Трамп маъмурияти чегарадан узоқда жойлашган Россия энергетика инфратузилмасига узоқ масофали ракеталар билан зарба бериши учун Украинага разведка маълумотларини топширишга рози бўлди – The Wall Street Journal. .

Ўзбекистон ташқи ишлар вазири ўринбосари Музаффарбек Мадраҳимов ва АҚШ давлат котибининг қуролларни назорат қилиш ҳамда халқаро хавфсизлик масалалари бўйича ўринбосари Брент Кристенсен ядровий ҳамкорлик тўғрисидаги ўзаро англашув меморандумини имзолади. Кристенсеннинг таъкидлашича, Вашингтон терроризмга қарши кураш ва хавфсизлик соҳасидаги бошқа умумий чақириқлар масалаларидаги ҳамкорлик учун Тошкентга миннатдорлик билдирган.

Мисрнинг энг бой кишиси сифатида танилган тадбиркор Нассеф Савирис АҚШ иқтисодиётига катта сармоя йўналтиришда давом этмоқда. У Ғазодаги геноциднинг бевосита иштирокчиси бўлган мазкур мамлакатдаги лойиҳаларга 50 миллиард долларгача инвестиция киритмоқчи, деб ёзади Financial Times. Нашр билан суҳбатда инглиз футболи клуби – "Астон Вилла"нинг эгаси бўлган мисрлик миллиардер ўзининг кимё компанияси OCI Globalни оилавий қурилиш компанияси Orascom Construction билан бирлаштирганини маълум қилган.

Араб мамлакатларининг АҚШда ишлаб чиқарилган ҳужумкор ва мудофаа қуролларни ҳеч қачон АҚШ рухсат бермаган ҳолатларда ишлатиб бўлмайди. Уларнинг орасида тиш-тирноғигача юксак технологияли АҚШ қуроллари билан қуролланган давлатларнинг бирортаси Исроилга хавф туғдирмайди.

Қатарда АҚШнинг энг йирик ҳарбий базаси — Ал-Удейд жойлашган. Ана шу стратегик объект жойлашган ҳудудда йирик хорижий махсус операция ўтказилгани АҚШнинг иттифоқчи давлат хавфсизлигини таъминлашдаги ожизлигини кўрсатади. Форс кўрфази давлатлари — Саудия Арабистони ва БАА учун ҳам бу аниқ сигнал: Америка хавфсизлик тизимлари ва ўзаро ёрдам шартномалари яқин иттифоқчилари қаршисида ишламайди.

Доналд Трамп Пентагонга АҚШ қуролли кучларини қайта қуриш ва зарурат туғилганда Россия ва Хитойни тийиб туриш учун тайёрлашни топширди. АҚШ мудофаа вазири Пит Ҳегсетнинг айтишича, Оқ уйнинг аввалги маъмурияти лаёқатсизлиги сабаб Россия ва Хитой ўзаро яқинлашган. Вазир шу боис ҳам Трамп мудофаа вазирлигига ҳарбий руҳни тиклаш ва рақиб давлатларни тийиб туриш учун АҚШ қуролли кучларини қайта қуришни буюрган.

Ҳиндистон бош вазири Нарендра Моди сўнгги ҳафталарда Дональд Трамп билан тўрт марта телефон орқали суҳбатлашишдан бош тортган. FAZ нашрининг ёзишича, Моди АҚШ президентининг Ҳиндистон иқтисодиётини "ўлик" деб атагани ва ҳинд маҳсулотларига қўшимча 25% бож жорий қилганидан норози.

Бугун Америка Қўшма Штатлари ўзини демократия ва эркинлик ҳомийси сифатида кўрсатади. Аммо унинг тарихида ўчмайдиган қора саҳифа бор – ҳақиқий америкалик ҳиндуларга қарши геноцид. Америкалик олим, географ ва биолог Жаред Даймонднинг "Қуроллар, микроблар ва пўлат" асарида даҳшатли маълумотни келтиради: европаликларнинг қитъага қадами етганидан сўнг ишғол ҳамда инфекциялар туфайли тахминан 60-80 миллион ҳинду қирилиб кетган.