исроил мудофаа вазири Исраэль Кац Ғазо шаҳрига ҳужум режасини маъқуллади. "Гидеон аравалари" деб номланган операцияни ўтказиш учун яна 60 мингга яқин захирадаги аскар жалб қилиниши кутилмоқда. ЦАХАЛ, шунингдек, ҳозирда хизмат қилаётган 20 мингга яқин захирадаги ҳарбий хизматчи учун резерв хизмат муддатини яна 30−40 кунга узайтираётганини маълум қилди. Бу ҳужум пайтида бир вақтнинг ўзида хизмат қилаётган захирадаги ҳарбийларнинг умумий сонини тахминан 130 000 нафарга етказади.

Amnesty International инсон ҳуқуқлари ташкилоти исроилни Ғазода фаластинликларга нисбатан атайин очлик сиёсатини юритишда айблади. Қайд этилишича, босқинчи исроил 22 ойлик уруш давомида Ғазо секторига гуманитар ёрдам киришини кескин чеклаб қўйган бўлса-да, бу айбловларни рад этиб келмоқда. Amnesty International томонидан эълон қилинган ҳисоботда кўчирилган фаластинликлар ва болаларни даволаган шифокорларнинг гувоҳликлари ҳам келтирилган. Унда айтилишича, сионистлар тизимли равишда мусулмонларни жисмонан йўқ қилишга қаратилган кампаниясини олиб боряпти.

Ўзбекистонга олиб келинган фаластинлик фуқароларга доимий ғамхўрлик ва ижтимоий кўмак кўрсатилади. Президент фармони билан, ногиронликка олиб келувчи касалликларга чалинган меҳмонларга қонунчилик ҳужжатларида белгиланган даволаниш муддатидан қатъи назар ногиронликни белгилаш чоралари кўрилади.

1949 йилдаги Тўртинчи Женева Конвенцияси ва 1907 йилдаги Гаага Регламентларида очиқ айтилган: босқинчи давлатлар ўз назоратидаги аҳолига озиқ-овқат, сув ва тиббий хизматни таъминлашга мажбур! Буни тўсиш ёки кечиктириш эса нафaқат ғайриинсоний, балки уруш жинояти сифатида баҳоланади. Бундан ташқари, маҳаллий аҳолини мажбуран кўчириш ёки ўз фуқароларини ишғол қилинган ҳудудларга жойлаштириш ҳам халқаро ҳуқуққа зиддир. Босқинчи исроил эса бу нормаларни мунтазам равишда бузмоқда.

Хавфсизлик кабинети қарори "урушни тугатишнинг беш тамойилини" ўз ичига олади, деб ёзади BBC. Булар: ҲАМАСни қуролсизлантириш; барча гаровдагиларни озод қилиш; Ғазони тўлиқ қуролсизлантириш; босқинчи исроилнинг Ғазо устидан тўлиқ назоратини ўрнатиш; Ғазода ҲАМАС ёки Маҳмуд Аббос бошқаруви билан боғлиқ бўлмаган альтернатив фуқаролик маъмуриятини ташкил этиш.

Сўнгги ҳафталарда қатор мамлакатлар, жумладан Испания, Норвегия, Ирландия, Словения ва бошқалар Фаластин давлатини расман тан олиши ҳақида расмий баёнотлар билан чиқишди. Баъзилар буни тарихий қадам, деб баҳолашмоқда. Бошқалар учун эса – бу ўнлаб йиллик босқин ва азоблардан кейинги маънавий ғалабадир. Аммо бу дипломатик ҳаракатлар ортида анча мураккаб стратегик манфаатлар ётибди.

Маҳмуд Аббос Исроил ва АҚШни қанчалик хотиржам қилишга уринмасин, сионистлар Фаластин маъмуриятини ҳақорат қилиш, заифлаштириш, унга нисбатан санкциялар жорий қилиш ва иқтисодий инқирозга учратиш ҳаракатларидан тўхтамаяпти. ҲАМАСнинг қуролли қаршиликни легаллаштиришдаги асосий далили – бу шундан иборатки: куч ишлатмай курашиш, ахборот тарғиботи, фуқаролик итоатсизлиги, халқаро судлар, дипломатия, тинчлик жараёнлари – буларнинг барчаси бефойда. Агар шуларга уринсангиз, Исроил ва АҚШдан шунчаки тарсаки ейсиз, дунё эса сизга эмас, босқинчига оғишади, натижа эса – ноль.

исроил расмийси ҲАМАСнинг ўт очишни тўхтатиш таклифини маъқуллади, деб хабар бермоқда Arab News. Яҳудий давлати ушбу таклифни қабул қилган-қилмаганини аниқ айтмаган ва қўшимча тафсилотларни очиқламаган. ҲАМАС эса 24 июль куни эрта тонгда берган баёнотида ўт очишни тўхтатиш таклифини воситачиларга юборганини тасдиқлаган.

Статистикага назар ташласак, уруш бошланганидан бери 43 нафар аскар ўз жонига қасд қилган. 2024 йилнинг ўзида 21 та ўз жонига қасд қилиш ҳолатлари қайд этилган – бу 2011 йилдан бери энг юқори кўрсаткичдир.

Босқинчи исроил кучлари қамалда қолган Ғазони бомбардимон қилишда давом этмоқда. Кеча, 14 июль куни сионистларнинг ҳужумлари оқибатида 78 фаластинлик ҳалок бўлди.