Дональд Трамп Қўшма Штатларни БМТ Инсон ҳуқуқлари кенгаши ва БМТнинг Яқин Шарқдаги Фаластинлик қочқинларга ёрдам ишлари агентлиги (UNRWA) таркибидан чиқариш ҳақидаги фармонни имзолади. "БМТнинг олдингидай салоҳияти қолмади", дейди Трамп ҳужжатни изоҳлаб.

Туркия ва Сурия ўртасида ҳарбий ҳамкорликни кучайтириш мақсадида Анқара Сурияда икки ҳарбий база қуришни режалаштирмоқда. Маълумотларга кўра, ушбу битим доирасида ҳарбий аэродромлар барпо этилиб, уларда 50 та Ф-16 қирувчи самолёти жойлаштирилади. Исроил эса Жўлон тепаликларида буфер зона яратиш мақсадида ўз ҳарбий базаларини қуришни давом эттирмоқда.

Кипр ҳукумати теракт содир этилиши ҳақидаги хабарлардан сўнг, Исроилнинг Моссад ва Шин Бет разведка агентларини Пафос ва Ларнака аэропортларига жойлаштириш ҳақидаги талабини қабул қилди.

Босқинчи исроил тез орада Ғазодаги ҳарбий ҳаракатларини бошлайди. Бу ҳақда террор давлатининг молия вазири Безалел Смотрич айтиб ўтди. Унинг таъкидлашича, Трамп Исроилнинг урушга қайтишига халақит бермоқчи эмас.

ҲАМАС ҳаракати Ғазо секторида учинчи гуруҳ исроиллик ҳарбий асирларни озод қилди. Тел-Авив билан алмашиш келишуви доирасида озод этилганлар орасида икки аёл ва бир нафар эркак бор. Шунингдек, шахсий маълумотлари ошкор этилмаган беш нафар Таиланд фуқароси ҳам озод этилган.

Исроил ҳукумати Байтлаҳм шарқида жойлашган ал-Нумон қишлоғида барча уйни бузишни режалаштирмоқда. Ушбу ҳаракат 150 нафар фаластинликни ўз уйларини тарк этишга мажбур қилиб, қишлоқни Қуддусга қўшиб қўйишга қаратилган.

Amnesty International инсон ҳуқуқлари халқаро ташкилоти фаолларининг янги ҳисоботида Ислоил фадастинликларни геноцид қилишда айбланди. "Amnesty International яна бир бор бутунлай ёлғон ва бўхтонга асосланган уйдирма ҳисобот тақдим этди", - дея эътироз билдирди Исроил ТИВ.

Исроил миллий хавфсизлик вазири, ўта ўнг кучлар вакили Итамар Бен-Гвир масжидлардаги овоз кучайтиргичларни мусодара қилиш ҳақида буйруқ берди. У ўз қарорини "яҳудий аҳолисини безовта қилаётган" "шовқин" ҳақидаги шикоятларга асослади.

Саудия Арабистони Исроил билан боғлиқ вазият боши берк кўчага чюкириб қолгани сабабли АҚШ билан кенг кўламли мудофаа шартномасидан воз кечди. Ар-Риёд ва Вашингтон Трамп ҳокимият тепасига келгунича енгилроқ шаклдаги ҳарбий ҳамкорлик келишувига эришишга улгуриб қолмоқчи.

Ирландия, Испания, Бельгия, Словения ва бошқа давлатлар Европа Иттифоқидан фаластинликларнинг қирғин қилиниши сабабли Исроил билан савдо алоқаларини қайта кўриб чиқишни талаб қилаётган бир пайтда, жорий йилнинг дастлабки тўққиз ойида яҳудий давлатининг араб мамлакатлари ва Ислом ҳамкорлик ташкилоти (ИҲТ)га аъзо бошқа 14 давлат билан савдо алоқалари ўсиб бормоқда. Бу Исроилни қўллаб-қувватловчи мамлакатлар маҳсулотларини бойкот қилиш ҳақидаги оммавий чақириқларга зид ҳолат. Аслида сионистларнинг маҳсулотларини бойкот қилиш, шубҳасиз, катта аҳамиятга эга. Маълумотларга кўра, 19 та мусулмон давлатининг мазкур товарлар импорти ҳажми 2,3 миллиард долларга баҳоланган.