“Ҳизбуллоҳ” гуруҳи раҳбари Наим Қосим исроил қўшинлари 18 февралгача Ливан ҳудудидан тўлиқ чиқиб кетиши кераклигини айтди. У, шунингдек, Ливан жанубидаги ҳар қандай постда исроил ҳарбий иштирокини сақлаб қолиш учун “ҳеч қандай баҳона” йўқлигини маълум қилди.

Фаластин қаршилик ҳаракати томонидан асирга олинган ва кейинчалик озод қилинган яҳудий Александр Турбонов тутқунликда бошидан ўтказганлари ҳақида ҳайратланарли баёнот берди. У фаластинликлар билан ўтказган 498 кунлик қамал вақтида ўзига нисбатан кўрсатилган меҳрибончиликларни эътироф этди.

Исроил армияси жангчилари Суриянинг Кунейтра вилоятидаги Кудна қишлоғига жойлашаётгани айтилмоқда. Сурия манбалари қўшни Саида қишлоғида ҳам Исроил ҳарбий конвойи пайдо бўлгани, унда 12 та ҳарбий техника ва шахсий таркиб жойлашганини маълум қилган.

The Washington Post нашри ўз манбаларига таяниб, Исроил яқин ойларда Эроннинг ядровий иншоотларига зарба беришни режалаштираётгани ҳақида хабар берди. Манбага кўра, Исроил 2025 йилнинг биринчи ярмида Фордо ва Натанз ядровий объектларига ҳужум қилишга тайёргарлик кўрмоқда.

Исроил полицияси босиб олинган Шарқий Қуддусдаги энг йирик Фаластин китоб дўкони – "Маърифий"га рейд уюштириб, унинг эгаларини терроризмга алоқадор материалларни тарқатишда айблаб ҳибсга олди ва юзлаб китобларни мусодара қилди.

Миср фаластинликларни Ғазо секторидан депортация қилиш бўйича Трампнинг таклифини муҳокама қилиш учун фавқулодда араб саммити ўтказишини маълум қилди. Миср ва Иордания "кўчириш" режани кескин рад этган. Иордания ўз ҳудудига қочқинларни мажбуран жойлаштириш бошланган тақдирда чегарани ёпишга ва ҳатто Исроилга уруш эълон қилишга тайёрлигини билдирди.

Ҳаракат матбуот котиби Абу Убайданинг маълум қилишича, Исроил келишилган шартларга риоя қилмагани сабабли асирларни озод қилиш жараёни кечиктирилди. ҲАМАС ўз мажбуриятларига содиқ қолишини ва Исроил ўз шартномавий мажбуриятларини бажарган тақдирда асирлар озод этилишини таъкидлади.

Исроил расман БМТ Инсон ҳуқуқлари кенгашидан чиқди. Бу ҳақда мамлакат ташқи ишлар вазири Гидеон Саар маълум қилди. Исроилнинг иддаосича, Кенгаш инсон ҳуқуқларини поймол қилувчи давлатларга ҳимоя бераётган бир пайтда, Исроилга қарши бир томонлама позицияни эгаллаб келмоқда.

АҚШ президенти Дональд Трамп Исроилга МОАБ ("Барча бомбаларнинг онаси") деб аталувчи энг кучли ядро бўлмаган бомба етказиб беришга рухсат берди. Қайд этилишича, "Бомбалар онаси" 11 тонна оғирликдаги ва ер остидаги объектларни йўқ қилишга қодир бўлган улкан бомба. Илгари Жорж Бушдан Жо Байденгача бўлган барча президентлар можаро кучайишидан хавотирланиб, бу қуролни Исроилга беришдан бош тортган.

Швейцария Ғазода уруш жиноятларини содир этганликда гумон қилинган Исроил аскарига нисбатан жиноий иш қўзғатди. "Швейцариянинг халқаро ҳуқуқни қўллаб-қувватлаб, ҳарбий жиноятчиларга бошпана бермаслигини олқишлаймиз", дейилади аскарнинг устидан шикоят киритган Ҳинд Ражаб фонди баёнотида.