Қўқон шаҳрининг Дегрезлик маҳалласи ҳудудида махсус тайёрланган хоналарда қимор ўйини ташкил этилгани аниқланди. Текширувда 10 нафар ўйин иштирокчиси ва 1 нафар томошабин қимор ўйинида иштирок этгани маълум бўлган. Тадбир давомида жами 4 млн 128 минг сўм пул маблағи, 14 дона стаканча, 2 дона “шашқол” ўйини учун мўлжалланган суруп далилий ашё сифатида олинган.

Андижон туманида яшовчи шахс яшаш хонадонида таваккалчиликка асосланган ноқонуний қимор ўйини ташкил қилгани фош этилган. Воқеа жойидан 4 млн 535 минг сўм пул ҳамда 300 АҚШ доллари, 4 дона ҳайвон суягидан ясалган ошиқ, шунингдек, ўйин ташкиллаштирилган хонадон эгасидан 550 минг сўм чўтал пули далилий ашё сифатида олиб қўйилган.