Ўзбекистон Хитойга оптик толали алоқа линиясини ўтказиш орқали глобал интернет тармоғига уланишнинг қўшимча каналини яратмоқчи. Рақамли технологиялар вазирлиги вакилига кўра, ушбу линия орқали аҳолини сифатли, тезкор интернет билан таъминлаш имконияти пайдо бўлади.

Туркиянинг учувчисиз учоқлар ишлаб чиқарувчи Baykar компанияси ва Италиянинг мудофаа гиганти Leonardo қўшма корхона ташкил этишадиган бўлди. Шартнома Римда Leonardo бош директори Роберто Чинголани ҳамда Baykar раиси Селчук Байрактар томонидан имзоланган. Мақсад – ушбу соҳадаги илғор турк ишланмаларини Италиянинг юқори технологик стандартлари билан бирлаштириш экани айтилмоқда.

Ҳиндистон ҳукумати мамлакатдаги мусулмонларни ноқонуний равишда Бангладешга ҳайдамоқда. Айрим ҳолларда, уй-жойини ташлаб кетишни истамаганларга қурол билан таҳдид қилинган. “The Guardian”нинг ёзишича, сургун қилинаётган мусулмонларни Бангладеш томони қабул қилмаяпти ва уларни ортига қайтармоқда.

"Биз меҳнат бозорида ҳам ижтимоий характердаги кўплаб масалалар борлигини тушунамиз. Шавкат Миромонович билан миграция масалаларини биргаликда ҳал қилишга келишиб олдик. Чунки бизда меҳнат бозори бугун қандай аҳволда экани маълум. Россияда ишлашни хоҳлайдиган одамларни тайёрлаш масаласини ҳал этамиз", деган Путин ЎзА бош директори Абдусаид Кўчимовнинг саволига жавобан.

Копенгаген яшаш учун энг қулай шаҳар деб топилди. Иккинчи ўринда Вена ва Цюрих, учинчи ўринда эса Мелбурн қайд этилган. Тошкент рейтингнинг энг қуйи поғоналаридан жой олган. Ўзбекистон пойтахти 100 баллик тизимда 50 дан 60 баллгача тўплаган ҳолда оч кулранг рангдаги мамлакатлар қаторида кўрсатилган.

Кеча, 17 июнь куни Остона шаҳрида "Марказий Осиё – Хитой" иккинчи саммити бўлиб ўтди. Марказий Осиё давлатлари раҳбарлари ҳамда Хитой раиси Си Цзинпин иштирок этган тадбирда Остона декларацияси ва Абадий яхши қўшничилик, дўстлик ва ҳамкорлик тўғрисидаги шартнома имзоланди.

"Андижон дўпписи" географик кўрсаткич сифатида давлат рўйхатидан ўтказилди. Маълумот учун, географик кўрсаткич – бу маҳсулотнинг маълум ҳудудга хос табиий, инсоний, тарихий омиллар билан боғлиқ сифатларга эга эканини билдирувчи интеллектуал мулк объекти ҳисобланади.

Шавкат Мирзиёев ва Хитой раиси Си Цзиньпин "Марказий Осиё – Хитой" саммити доирасида музокара ўтказди. Етакчилар "Хитой – Қирғизистон – Ўзбекистон" стратегик темирйўли қурилишини жадаллаштириш муҳимлигини таъкидлашган. Таълим, фан, туризм ва маданият, кадрлар тайёрлаш ҳамда хитой тилини ўрганиш соҳаларидаги алмашинувларни ривожлантиришдан манфаатдорлик билдирилган.

Қозоғистон мамлакатдаги иккинчи атом электр станциясини қурадиган консорциум раҳбари сифатида Хитой Миллий Ядро Корпорациясини (CNNC) танлаган. Қўшни мамлакатдаги биринчи атом электр станциясини Россиянинг "Росатом" компанияси қурадиган бўлганди.

Туркия президентининг фикрича, Ғарбнинг чексиз кўмагига таяниб, Эронга ҳужум қилаётган, Ғазони вайрон этаётган ва минтақадаги барча давлатларни менсимайдиган исроил ўз қилмишларининг оқибатларини ўйламаяпти. Эҳтимол, келажакда у ўз хатосини тушуниб етар, аммо жуда кеч бўлиши мумкин.