Қозоғистонда Озарбайжон, Қозоғистон, Қирғизистон, Ўзбекистон ва Тожикистон ҳарбийлари иштирокидаги "Бiрлестiк-2024" халқаро тезкор-тактик қўмондонлик-штаб ўқув машғулотлари якунига етди. Қўшма манёврларга жами 4 минг нафар ҳарбий хизматчи, 700 тагача қурол ва ҳарбий техника жалб қилинди.

Жиноят ишлари бўйича Амударё туман суди Россия қўшинлари сафида Украинадаги урушда қатнашиш учун ҳарбий тайёргарликдан ўтган, бироқ жабҳага жўнатилишдан олдин ватанга қочиб кетган фуқарога нисбатан уч йил муддатга озодликни чеклаш жазосини тайинлади.

Президент Шавкат Мирзиёевнинг таклифига биноан Қирғиз Республикаси президенти Садир Жапаров 18-19 июль кунлари давлат ташрифи билан Ўзбекистонда бўлади. Ташриф доирасида бир қатор қўшма лойиҳаларни ишга тушириш ва икки томонлама ҳужжатлар тўпламини имзолаш кўзда тутилган.

Туркиянинг Табиий офатлар ва фавқулодда вазиятлар бошқармаси (AFAD) томонидан тайёрланган 2408 тонна инсонпарварлик ёрдами юкланган кема Туркиянинг Мерсин халқаро портидан Суданга йўл олди. 160 тонна дори-дармон ва тиббий асбоб-ускуналар, 128 тонна кийим-кечак, 90 тонна гигиена воситалари, 44 тонна кўрпа-тўшак ва турли бошпана материаллари ортилган кеманинг 19-21 июль кунлари Суданга етиб бориши кутилмоқда.

Қозоғистон жорий йилда Россия газини Ўзбекистон ва Қирғизистонга, Туркманистон ва Ўзбекистон газини эса Хитойга етказиб бериш ҳажмини оширишни режалаштирмоқда. Жумладан, ўтган йили Россиядан Ўзбекистонга 1,28 млрд куб метр газ етказиб берилган бўлса, бу йилда ушбу кўрсаткични 3,8 миллиардга чиқариш кўзда тутилган.

2023 йил 27 январда қуролли ҳужум натижасида фаолиятини тўхтатган Озарбайжоннинг Эрондаги элчихонаси янги манзил ва янги бинода иш бошлади. Эрон томони янги элчихона биноси олдида дипломатик хавфсизликни таъминлаш учун тегишли чоралар кўргани маълум қилинди.

2016 йил 15 июль кечаси Туркияда демократик йўл билан сайланган ҳукуматни ағдаришга қаратилган хоинона давлат тўнтаришига уриниш амалга оширилган эди. Ушбу ғалаён қандай бошланди, қандай ҳодисалар рўй берди, давлат тўнтаришига қасд қилганларга қарши қандай курашилди – Туркия президенти ҳузуридаги Коммуникация бошқармаси бошлиғи, профессор Фаҳреттин Алтун мақоласида.

Германия шимолидаги Бремен шаҳрида ҳукумат болалар боғчалари ва мактабларда жим бўлишга чақирувчи “Жим тулки” (инглизчада - silent fox) қўл ишорасини туркий халқлардаги “кўк бўри”ни англатувчи ишорага ўхшагани учун тақиқлади

Кучли ёғингарчиликлар Қирғизистоннинг Ўш вилоятида сел келишига сабаб бўлди. Шунингдек, Оқбуйра дарёси қирғоқларидан тошиб, Ўш шаҳри кўчаларини, жумладан, марказий бозорни сув босди. Энг камида беш киши ҳалок бўлди. Юзлаб уйлар, ижтимоий соҳа объектлари вайрон бўлди.

Пенсилвания штатининг Бутлер шаҳрида сайловолди ташвиқоти вақтида АҚШнинг собиқ президенти Дональд Трампга ўқ узилди. Ҳодиса вақтида бир киши ҳалок бўлди, икки киши яраланди. Хавфсизлик кучлари ҳужумчини отиб ташлади. АҚШ президенти Жо Байден ва мамлакатнинг бир қанча собиқ раҳбарлари сиёсий зўравонликни кескин қоралади ва отишма содир бўлишига йўл қўйиб берган махфий хизматларга қарши кўплаб саволлар туғилди – ҳодиса тафсилотлари.