Испания қироли Фелипе VI АҚШ президенти Дональд Трампнинг Оқ уй расмий веб-сайтидан испан тилини олиб ташлаш ҳақидаги қарорини танқид қилди. Ушбу қарор 60 миллионга яқин испан тилида сўзлашувчиларга нисбатан ҳурматсизлик деб қаралмоқда.

АҚШ президенти Дональд Трамп Халқаро жиноий суд (ХЖС)га қарши санкциялар қўллаш тўғрисидаги фармонни имзолади. Бу қарор ХЖСнинг Исроил бош вазири Биньямин Нетаньяху ва собиқ мудофаа вазири Ёав Галлантни ҳибсга олиш ордери чиқаргани билан боғлиқ.

АҚШ президенти Дональд Трамп Исроилга МОАБ ("Барча бомбаларнинг онаси") деб аталувчи энг кучли ядро бўлмаган бомба етказиб беришга рухсат берди. Қайд этилишича, "Бомбалар онаси" 11 тонна оғирликдаги ва ер остидаги объектларни йўқ қилишга қодир бўлган улкан бомба. Илгари Жорж Бушдан Жо Байденгача бўлган барча президентлар можаро кучайишидан хавотирланиб, бу қуролни Исроилга беришдан бош тортган.

Дональд Трамп Қўшма Штатларни БМТ Инсон ҳуқуқлари кенгаши ва БМТнинг Яқин Шарқдаги Фаластинлик қочқинларга ёрдам ишлари агентлиги (UNRWA) таркибидан чиқариш ҳақидаги фармонни имзолади. "БМТнинг олдингидай салоҳияти қолмади", дейди Трамп ҳужжатни изоҳлаб.

АҚШ президенти Дональд Трамп Ғазо секторини назоратга олиш ва анклавни "тозалаш" ниятида эканлигини маълум қилди. Саудия Трампнинг баёнотига муносабат билдириб, фаластинликларнинг ҳуқуқларини поймол қилувчи ҳар қандай ҳаракатларни, жумладан, босиб олиш ва мажбуран кўчирилишини қоралашини маълум қилди.

Ўзбекистон ҳукумати Афғонистонда “Толибон” ҳокимиятни қўлга олган пайтда афғон учувчилари томонидан мамлакат ҳудудига олиб ўтилган ҳарбий техникаларнинг бир қисмини АҚШга қайтарди. Маълумотларга кўра, 2021 йил август ойида афғон ҳарбийлари 22 та самолёт ва 24 та вертолётни Ўзбекистонга олиб ўтган.

Фаластин маъмурияти Ғазо устидан назоратни қўлга киритиш учун ҲАМАСга қарши ҳаракат қилишга тайёр эканини Қўшма Штатларга маълум қилди. Ғазо секторини АҚШ фуқароси ва Фаластин маъмурияти бош вазир ўринбосари Зиёд Абу Амр бошқариши режалаштирилган.

АҚШ президенти Дональд Трамп 29 январь куни "Антисемитизмга қарши кураш" тўғрисидаги фармонни имзолади. "Оқ уй" га кўра, ҳукумат яҳудийларни ҳимоя қилиш мақсадида намойишлар, таҳдид ва зўравонликларга қарши қатъий чоралар кўради.

«Толибон » Дональд Трампнинг қарийб етти миллиард долларлик Америка қуролларини қайтариш ҳақидаги чақириғини рад этди. Аксинча Афғонистон муваққат ҳукумати «ИШИД-Хуросон» гуруҳи билан курашиш учун АҚШдан янада замонавийроқ қуроллар беришини сўраган. Қайд этилишича, АҚШ қўшинлари Афғонистонда 20 йилдан кўпроқ вақт самарасиз жанг қилган. Зудлик билан чиқиб кетишга тўғри келганида эса 7 миллиард АҚШ долларидан кўпроқ қийматдаги ҳарбий жиҳозларини олиб кетолмаган.

“Толибон” 20 йил муқаддам Афғонистоннинг Нангарҳор вилоятида ўғирлаб кетилган ва Калифорнияда умрбод қамоқ жазосини ўтаётган Хон Муҳаммад америкалик асирлар эвазига озодликка чиққанини маълум қилди. Ҳаракат унинг озод қилинишида ёрдам бергани учун Қатарга миннатдорчилик билдирди.