Инглизларнинг 4-каналига кўра, йилнинг 9 ойида Лондондан Тел-Авивга қурол экспорти ҳажми 1 миллион фунт стерлингга етган. Бу ўзаро савдо тарихидаги энг юқори кўрсаткичдир. Ажабланарлиси, шунча фактларга қарамай қироллик "экспорт қоидаларига қатъий риоя қилиши" ва сионистларга Ғазо сектори ёки Ғарбий Соҳилда жанг қилиш учун мўлжалланган қуролларни сотмаслигини даъво қилиб келмоқда.

Колумбия президенти Густаво Петронинг визаси бекор қилинди. Қайд қилинишича, Петро Нью-Йорк шаҳрида "фаластинпарастлар намойишида" нутқ сўзлаб, АҚШ ҳарбийларини президент Доналд Трамп буйруқларига бўйсунмасликка чақирган. Олдинроқ, Густаво Петро БМТ минбарида АҚШ ўзининг янги "Гитлер"ини қўллаб-қувватлаётганини билдириб: "Олий ирқ деган нарса йўқ! На Америка, на исроил Худонинг танланган халқи эмас!" деган эди.

Президент Жапаров, Ғазо секторидаги ғайриинсоний ҳужумлар натижасида катта йўқотишларга учраётган Фаластин халқининг фожеаси ҳақида бутун дунё қайғуриши кераклигини таъкидлади. Унинг сўзларига кўра, жаҳон ҳамжамияти кўз ўнгида кечаётган бу инсоний фалокатдан кўз юмиш мумкин эмас.

2023 йилнинг октябр ойидан бери Ғазонинг сион-фашист кучлари томонидан ўққа тутилиши ва портлатилиши оқибатида камида 65 502 киши, асосан аёллар ва болалар ҳалок бўлди. 167 367 нафар аҳоли яраланган.

Бирлашган Миллатлар Ташкилоти(БМТ)нинг Ғазо бўйича тергов комиссияси исроилнинг фаластинликларга қарши геноцид содир этаётганини ва унинг олдини олиш ҳамда жазолаш бўйича ўз мажбуриятларини бажармаганини эълон қилди.

Қатарда АҚШнинг энг йирик ҳарбий базаси — Ал-Удейд жойлашган. Ана шу стратегик объект жойлашган ҳудудда йирик хорижий махсус операция ўтказилгани АҚШнинг иттифоқчи давлат хавфсизлигини таъминлашдаги ожизлигини кўрсатади. Форс кўрфази давлатлари — Саудия Арабистони ва БАА учун ҳам бу аниқ сигнал: Америка хавфсизлик тизимлари ва ўзаро ёрдам шартномалари яқин иттифоқчилари қаршисида ишламайди.

Куни кеча террорчи исроил Қатар пойтахтидаги турар жой ҳудудига ҳужум қилган ва бу орқали ҲАМАС раҳбариятини нишонга олганини маълум қилганди. "Ал-Жазира"нинг хабар беришича, Қатар ушбу зарбалар учун яҳудий давлатига жавоб қайтаришга тайёрланмоқда.

Миср диаспораси бутун дунё бўйлаб дипломатик ваколатхоналарни тўсиб қўйиш орқали Қоҳиранинг сионистларни қўллаб-қувватлаётганига норозилик билдирмоқда. Ҳаммаси Гаагадаги элчихона дарвозаларини занжирбанд қилган келиб чиқиши мисрлик фаол Анас Ҳабибдан бошланди. Унинг хатти-ҳаракатлари шунга ўхшаш норозилик тўлқинини келтириб чиқарган. Бироқ бундан фаолларнинг Мисрда яшаётган қариндошлари азоб чекмоқда. Сиси бошчилигидаги ҳукумат намойишчиларнинг яқинларини ҳибсга олгани ҳақида маълумотлар бор.

Туркия президенти Ражаб Тоййиб Эрдўғон куни кеча қилган чиқишида Ислом дунёси Фаластиндаги воқеаларга, "золим, кофир Нетаньяхунинг фитнасига" бефарқ қараб тура олмаслигини таъкидлади. "Шунинг учун дунёнинг қайси бурчагида мусулмон бўлмасин, қалбимиз, онгимиз ва руҳимиз улар билан бирга. Шу сабаб биз барча мусулмонларни тароқ тишлари каби, бино ғиштлари каби ягона тананинг аъзолари сифатида кўрамиз. Айнан шу сабаб бугун биз Фаластиндамиз. Айнан шу сабабли бугун биз Ғазодамиз. Айнан шу сабабли биз Фаластинда рўй бераётган воқеаларга – ўша золим, Нетаняху деб аталувчи кофирнинг бу босқинчилигига ҳеч қачон бефарқ қараб тура олмаймиз", деган Эрдўғон Мавлидун Набий ҳафталигининг очилишида.

Босқинчи исроил матбуоти Сурия президенти Аҳмад аш-Шаръни ҲАМАС ва исломий жиҳодга Шом диёрида ўзини қайта тиклашга яширинча рухсат берганликда айблади. исроил разведкаси билан алоқаси борлиги айтилаётган Нетзив веб-сайтига кўра, Дамашқ фаластинлик гуруҳларга Сурия ҳудудида ўз инфратузилмасини қайта қуришга рухсат берган.