Қирғизистон парламенти депутати Алтинбек Қиличбаев конституциявий эътиқод эркинлиги ҳуқуқини назарда тутиб, аёл полициячиларга қалпоқ остидан рўмол ўрашга рухсат беришни таклиф қилди. ИИВ вакили ушбу таклифга қарши чиқди.

Россия Қуролли кучларининг радиация, кимёвий ва биологик мудофаа қўшинлари бошлиғи, генерал-лейтенант Игор Кириллов ўлимида гумонланиб Ўзбекистон фуқароси қўлга олинди. Украина разведка хизмати унга 100 минг доллар пул мукофоти ва Европа давлатларида яшаш имкониятини ваъда қилгани айтилмоқда.

АҚШ Давлат департаменти маълумотига кўра, Асад режимига боғлиқ активлар қиймати 12 миллиард долларгача етади. Экспертларнинг таъкидлашича, Асад режими ҳокимиятни сақлаб қолиш билан бир вақтда "Б" режаси – қонуний ёки ноқонуний йўллар билан бойликларни чет элга ўтказиш учун тайёргарлик кўрган.

Россиянинг Ульяновск вилоятида Cobalt енгил автомобили ва MAZ юк машинаси ўртасида содир бўлган йўл-транспорт ҳодисаси оқибатида 5 нафар Ўзбекистон фуқароси ҳаётдан кўз юмди. Ҳалок бўлганларнинг жасадларини ватанга қайтариш чоралари кўрилмоқда.

Суриядаги фуқаролик уруши туфайли юз берган сиёсий инқироз йиллар давомида кучайиб борди ва Асад армиясининг қулаши бундан бошқа омилларни ҳам очиб ташлади. Зобитлар аскарларни пора эвазига хизматдан озод қилган ёки уйларига қайтишни буюрган, лекин уларнинг маошларини ўзлари олиб қолишган. Бу ҳолат армиянинг умумий руҳий ҳолатига жиддий таъсир кўрсатган.

Ҳукумат Ўзбекистонда қимор ўйинлари, лотерея ва букмекерлик фаолиятини ташкил этиш учун талаб ва шартларни тасдиқлади. Ташкилотчилар учун лицензия муддати 5 йил этиб белгиланди, уларнинг устав капитали камида 56,25 млрд сўм бўлиши шарт. Шунингдек, бир қатор тақиқ ва чекловлар ҳам белгиланган.

Қирғизистон президенти Садир Жапаров душанба куни Вазирлар Маҳкамаси раҳбари ва маъмурият раҳбари Акилбек Жапаровни “бошқа ишга ўтгани муносабати билан” лавозимидан озод қилди ва ҳукумат раҳбари вазифасини бош вазирнинг биринчи ўринбосари Адилбек Касималиевга юклади

АҚШнинг Ўзбекистондаги элчиси Жонатан Хеник мамлакат ҳукуматини биринчи АЭС учун техник ҳамкор танлашда эҳтиёт бўлишга, “технологияларнинг энг яхши комбинациясини таъминлай оладиган компаниялар билан ҳамкорлик қилишга чақирди. Шунингдек, у Вашингтоннинг Тошкент билан ҳамкорлик қилишга тайёрлигини таъкидлади.

Россиянинг Украинадаги уруши бошланганидан буён Бошқирдистон энг катта йўқотишларга дуч келди. BBC рус хизмати ва "Медиазона" томонидан очиқ манбаларга асосланиб ўтказилган тадқиқотга кўра, ушбу урушда жами 83 минг 338 нафар россиялик ҳарбий ҳалок бўлган, шундан 3487 нафари бошқирдистонликдир.

13 декабрь куни Ўзбекистон президенти Шавкат Мирзиёев умумий қиймати 7 миллиард доллардан ошган 18 та янги энергетика мажмуасини ишга тушириб, 6 та янги лойиҳанинг қурилишига старт берди.