Афғонистонда 38 аёлнинг мажбурий никоҳланиши, 40 аёлнинг оилавий зўравонликларга дучор бўлишига чек қўйилди. 24 аёлнинг эса шариатга мувофиқ меросдан улуш олиши таъминланган. Олдинроқ, Афғонистон олий раҳбари Ҳайбатулла Оҳунзода аёллар ҳуқуқлари тўғрисида фармон чиқарганди. Фармонда раҳбарият барча тегишли мутасаддилар, дин уламолари ва оқсоқолларга аёлларнинг қуйидаги ҳуқуқларини рўёбга чиқариш бўйича жиддий чоралар кўришни топширган: вояга етган аёлни турмушга узатишда унинг розилиги талаб қилинади, ҳеч ким аёлларни турмушга чиқишга мажбурлай олмайди.

Саудия Арабистони 2026 йилдан айрим туризм ва дипломатик зоналарда спиртли ичимликларни чекланган тарзда сотишга ва истеъмол қилишга рухсат бермоқчи. Янги қоидалар 600 та жойни қамраб олади.

АҚШ Адлия вазирлиги Вашингтондаги Исроил элчихонасининг икки ходимини ўлдиришда гумонланаётган чикаголик Элиас Родригесга айблов эълон қилди: унга ўлим жазоси берилиши мумкин.

Ливия бош муфтийси Шайх Содиқ ал-Ғирёний араб давлатларининг АҚШ президенти Дональд Трампга катта миқдорда пул берганини танқид қилди. "Миллиардлаб пуллар Трампга шунчаки бериб юборилди. Ғазода очликдан ўлаётган болаларни қутқариш учун бир чақа ҳам сарфлашни исташмадилар", деган муфтий.

Анас шу йилнинг март ойида, Рамазон ойида Ҳаж зиёрати учун йўлга чиққан бўлиб, Германия, Австрия, Босния ва Герцеговина каби 9 мамлакатни босиб ўтган. У тоғлар, нотекис йўллар ва турли об-ҳаво шароитларида машаққат чеккан бўлса-да, мақсадидан қайтмади.

БМТнинг Инсонпарварлик ишларини мувофиқлаштириш бошқармаси (OCHA) операциялар ва ҳимоя бўлими директори Эдем Восорнунинг маълум қилишича, Башар Асад режими ағдарилганидан сўнг мамлакат ичида кўчиб юрган ва қўшни давлатларда бўлган 1,5 миллиондан ортиқ суриялик ўз ҳудудларига қайтган.

АҚШнинг Бостон шаҳридаги федерал судья Эллисон Бэрроуз мамлакат Ички хавфсизлик вазирлиги томонидан Гарвард университетига кеча юборилган қарорни вақтинча тўхтатди. Аввалроқ Трамп маъмурияти Гарвард университетининг халқаро талабаларни қабул қилишини тўхтатиш тўғрисида қарор чиқарган эди. Судья Бэрроуз бу қарорни "жараёнга оид қўшимча маълумот ва ҳужжатлар тақдим этилгунга қадар" тўхтатишга қарор қилди.

АҚШ президенти Дональд Трамп маъмурияти Гарвард университетига чет эллик талабаларни қабул қилишни тақиқлади. Энди нуфузли Америка IVY League таркибига кирувчи университет хорижликларга АҚШга талабалик визаларини олиш учун зарур ҳужжатларни бера олмайди. Гарвард университети маъмурлари Трамп маъмуриятининг ҳаракатларини ноқонуний ва қасоскор, шунингдек, университетнинг академик ва тадқиқот миссиясига путур етказиш, деб атаган.

Дин ишлари бўйича қўмитанинг таъкидлашича, айни пайтда Саудия ҳуқуқ тартибот идоралари ноқонуний равишда Ҳажга борганларга нисбатан жазо чораларини қўллай бошлаган. Хусусан, ноқонуний йўллар билан ҳаж амалларини бажариш 20 мингдан 100 минг Саудия риёлигача (27 минг АҚШ долларигача) молиявий жарималар қўлланишига сабаб бўлади. Шунингдек, фуқарони Саудиядан депортация қилишдан ташқари кейинги 10 йил давомида унинг подшоҳликка кириши тақиқланади.

Босқинчи исроил ҳарбий ва разведка тузилмалари агар Теҳрон–Вашингтон музокаралари муваффақиятсизликка учрайдиган бўлса, Эрон ядровий иншоотларига ҳужум қилиш учун тайёргарлик кўряпти. Таҳлилчиларнинг фикрича, сионистларнинг эҳтимолий зарбаси бир ҳужум билан чекланиб қолмайди, балки бир неча кун давом этиши мумкин.